相片

年輕爸媽—十年

Kong Yuk In

1


十年前, 有條友攪大左女朋友個肚。
望住果2條紅線, 我喊, 我驚, 我唔知點樣同父母交代, 而佢就話不如結婚囉? 就係咁即刻上網預約結婚簽紙。
下一步就係同父母交代......

媽咪無意中發現我有左,佢喊,我又跟住喊, 大家一齊喊…好彩我好朋友過黎安慰佢!或者佢接受唔到個女書都未讀完就攪大左個肚又冇俾過家用佢洗。佢叫我自己同爸爸交代喎…..

身邊好友屋企人都叫我地考慮清楚,大家咁細個仲有大把時間,大把前途。
有時都諗佢只係負責任多過愛我既, 而我都唔知自己想點,要唔要好…
有次去醫院登記途中, 我同佢講不如落左佢, 點知佢流馬尿…佢話佢一定要….佢決心要個BB

而我就真係面對唔到我爸爸, 呢係房度睇見佢自己獨自對住我爸爸雙膝下跪交代一切,爸爸出奇地冷靜接受。我知道佢一定係有腰骨有膊頭既人!

就係咁佢22歲擔起頭家, 感恩一畢業有一份穩定既工作,供養一家四口, 雖然冇經濟基礎, 俾唔到一個好既居住環境, 好既學習環境俾仔女, 但我諗小朋友最重要既父母陪伴,自問我地百分之一百俾到!

恃住年輕狂罔, 粒聲唔出二個自己搬出去....
恃住年輕自以為是不肯向長輩低頭...
回頭望, 一路走黎其實都經歷好多事,心口掛住個勇字,依家大家慢慢成熟, 努力學習, 互相補位, 各司其職, 努力去建立, 一齊同步向前行!十年黎由當初既責任感慢慢變成愛,一家人!

家庭永遠都係佢既第一位, 一直都唔會係佢既負累負擔, 而係佢最大既動力!
THANKS SO MUCH!

立即分享

分享給LINE好友 !